Modalak utaneng ri alena

sitinajana maceika ri alena. Nasabak engka mopi hak ku ri alena, naiyekea depa napenuhi. mulle, iyanae ujiang pole ri Puang Allah Ta'ala, jachi upagetteng atikku. narekko purani nappatentu puang e, uruntuk mo matuk resoku.

E Puang e, werekka kesik ketabahan, degaga risompa sengadinna puang Allah Ta'ala. E Puang e, werekka laleng, werekki petunjuk supaya napigauk moi janchinna.

Aleta bawang Puang mulle robai. ....

Toddopuli Temmalara

Toddopuli Temmalara

Tertancap kuat dalam Hati, Takkan Tergoyahkan

Sadda, mappabati Ada
(Terwujud Bunyi Dari Kata)

Ada, mappabati Gau
(Perbuatan terwujud dari kata)

Gau, mappabati Tau
(Perbuatan mewujud manusia)

Tau … sipakatau
(Manusia yang saling memanusiakan)

Mappaddupa
(Menyambut (prinsip dalam kenyatan))

Nasaba
(Karena)

Engkai Siri’ta nennia Pesseta
((menjaga) Malu dan (menahan) Penderitaan adalah kepunyaan kita)

Nassibawai
(beriringan dengan)

Wawang ati mapaccing, lempu, getteng, warani, reso, amaccangeng,
tenricau, maradeka nennia assimellereng
(Hati yang bening, kejujuran, keteguhan, keberanian, kerja keras dan ketekunan, kecerdasan, pantang menyerah, kemerdekaan dan setia kawan)

Makkatenni Masse ri
(Teguh pegangan kita pada)

Panngaderengnge na Mappasanre ri elo ullena
(aturan (norma) dan pegangan kita hanya pada kemauan)

Allah Taala
(Allah Yang Maha Tinggi)

Carita Pammase Ri Mahameru

Mallemmai alena diita iyaro makkunrae e. Tapi, tannia sumange’na. Nattetongengngi atinna maenre ri asekna Mahameru. Iyanaro puncak kaminang matanre okkoe ri tana Jawa

Jingga asenna.  Makkutana kak denre wettuna ri pammulanna maelokki menre. Sibawai ambokna maenre. Naiyakea, nasabak matekko laddek i ambokna denre, chaji cilalena bawang maenre ri asekna bulu Semeru. Makkokoe, ambokna makkemai ri Arcopodo

Uperkirangngi anak dara mopi iayae anak makkunra iyaro. De’pa na gennek kapang duapulo taung. Ko paneddikku, engkai na subbui ri laleng atinna. Naiyakea, de’ uisseng aga nasubbui ri laleng atinna.

“Utulungi ki Andik?” Makkutanaka ri alena. Matekko laddek i kesik uita. Nasabak de’na malomo maenre ri asekna Bulu Semeru nasabak iyanae pamullana alena maenre ri asek bulu.

Naiyakea, de’na maelok dibaliwi. Naitakka, nappa cabberu i. Pole Lisek mata na iyae makanjak e, uitai malloppo ladde sumange ri laleng atinna.

“Ajakna.” Nawalika.

 “Iyanae riyoloe lalenna Rangga. Okkoe, ri awana ajeku.” Makkedai Jingga.

Rangga? Mullei Rangga asenna  pammasena iyae anak dara e.

“Pole kegaki misseng ngi?” Makkutanakak ri alena.

“Uperkirakang bawangngi.” Masara atinna. Uitawi pole uwae matta maddenne.

“Mupuji laddekka alena andik?”

Dekna mettek Jingga.

“Maelokka jappa si paimeng.” Makkedai.

“Ubaliwiki andik? “ makkutanaka’ nappa ukatengngi limanna.

“Iyek. Makanjak pa sipakta kakak.” 

Cabberuk bawakka.

***

“Andik, de’na maitta na lettukni ri ase’na Mahameru”. Makkedaka.

Cabberuk si paimeng alena maengkalingai. Mapute rupanna diita. Naiyekea Tania sumange ri laleng atinna. Na akkateningngi limakku. Nasabak tamba marejjing i laleng e. Matebbek urane maelok tulungi alena, naiyekea aleku bawang napile. 

Manyamanyal, jappaku lao ri asekna bulue.

“Kak, iyanae laleng wettuna riyolo nalaoi i Rangga.”

 

“Pole kegaki missing ngi?” Makkutanakak.

“Engka poto-potona kak.”

Mabela pa punca’e, naiyekea narekko diita pole awa macawek meni. 

 “Kak, kita sampai kak. Kita sampai.” Ujar Jingga. Dia menunjuk suatu tiang yang dengan papan bertuliskan ketinggian Mahameru, 3.676 m.

“Kak, lettukni ri asekna bulu e. Lettukni ri Mahameru.” Makkedai Jingga. Najellorangngak papang iyae engka taruki tanrena Mahamer, 3.676 meterek.

“Lettukni kak.” Makkedasi alena paimeng.

Narauwika Jingga, dek u sangka-sangka. Mario sibawa masara ri laleng atinna.

“Kak, makanjak laddek sipakta. Makasi kakak.” Makeddai Jingga.

“Iyek, andik. Sipadata simakkunrae, mestiki sipakkamase mase.” Materri toka mitai terri.

“Kak, engkai potona riyo Rangga kuae. Maelok toka engka potoku sipada alena.”

Penasaran laddekak, chaji makkutanakak.

“Niga iyaro Rangga andik? Pappujitta?”

“Tannia kak. Silusureng worowane dinruku. Mateni tahung riyolo nasabak nakennai kankerek.” Napitakka potona Rangga.

Uitai poto urane, sipada lisek matana Jingga. Cabberuk i ri asekna Mahameru.

Makkunrae Canecci

Bosi canecci terri mappamula subuh.

Mabichi' anging e

makkelong i ininnawa e

mappamulani carita atie

Puadangi e pamase, ajakmu masara

matajanni esso e, lettuni wettu mario ati


Makkunrae canecci
mattajengi ri lalenna atikku

Palettukengnga Uddanikku

Anrikku Mabelae

Aga mupagauk kotu?

Uingngerang moga kesik?

Uitai bosi kanecci kuwae

Marica’ i bunga-bunga e

Marica’ toi atikku

Paddoangakku lao ri Puang Allah Ta’ala

Taruntuk moi laleng makessik e

Sipada kessikna ininnawata

Na malettuk moi

Uddanikku lao ri aleta

Paddupa Ada

Assalamu'alaykum

Pammulanna, ajakna talupai sukkurukki lao ri Puang Allah Ta'ala, nasabak  maega ladde' pammasena ri aleta maneng.

Salawa' nennia mappasalama' lao ri Nabitta Muhammad Shallalahu 'alaihi wa Sallam, iyana ritu nabi iyae jellorengngi laleng madeceng e nennia pitakki laleng malempue, agama sellengnge.

Engka pappasenna tau riolo e, iyae padecengi assiajingeng, sippakamase mase, sipakario rio nennia sipakainge ri gau pitujue.

Wassalamu alaykum warahmatullahi wabarakatuh

Marennuna Atikku

Marennui atikku nasabak maega  dalle uruntuk. Sukkurukkak ri puang Allah Ta'ala nasabak matuo mopika', madeceng-deceng mokka nennia engka moi jama-jamakku.

Ita sai tau kasi asi, nasabak matebbek mopi tau de gaga jama jamanna. Monromopi ri ruma sakit nasabak malasa mopi. Narekko engka moi jama jamatta, sehak moki, iyanaro pappadecenna linoe.

Narekko maelokki madeceng, tapogaui sempajang lima wettue, assukkuriki  nigi nigi riarengngi puang Allah Ta'ala, insya Allah taruntuk mo madeceng ri linoe sibawa ri akhirak'e....

Tellu Sipak Madeceng

Engka tellu sipak narekko muruntuk ‘i ri lalenna atimmu, berarti muruntuk mui papadecenna Puang Allah Ta’ala. Iyanaro seuwani sipak malempu, maduwanna sipak ada tongeng sibawa matelunna sipak manyameng Kinninawa.

                Sipak malempu, iyanaro modalak loppona tau’e. Ko melokko runtuk ‘i  pappadecenna lino nennia akhirak, akkatenning i iyaro sipak malempu e. Nasabak de gaga tau na de’na napuji sipak malempu. Ko engka taruntuk tau malempu, apalagi ko mabbisniski sibawa alena, matterima kasihki ri Puang Allah Ta’ala.

                Maduwanna sipak ada tongeng. Sipak ada tongeng iyanaro batuanna “Taro ada Taro Gauk”. Narekko maelokko manjaci sitongeng tongenna taue, aja’na musalai janjimmu sipadammu rupa tau. Sideceng decenna ada’e ko nakettenning mui jancinna.

                Matelunna, sipak manyameng kininnawa. Sipak manyameng kininnawa iyanaro wasselekna sipak malempu nennia sipak ada tongeng. De’ga ga sussana tauwe narekko malempu mui nennia ada tongeng mui.  Manyameng kininnawa, manyameng maneng sipak nennia gaukna.

Kamarak Kosku ri Tana Mamuju

Masyukurukka ri Puang Allah Subhanahu wa Ta'ala nasabak makkokoe ma'puasa ramadhanka' ri bolaku. Riolo, uingngerangki wettuku ma'puasa ramadhan ri Mamuju. Ko melokka massappa pabbuka, marejjingpa kesik, tapi makkokoe syukkurakka ri Puang Allah Ta'ala nasabak de'na masussa massapa pabbuka.

Empat tahungka ri Mamuju, mattebbekni pengalamang u rasakan. Uingngerang mopi wettuku malasa koro, na degaga dottorok ahli ri rumah sakit. Ditiwinak ke Makassar, awee, syukkuruk matuo moka.

Iyaro sabakna, pappesangku ri aletak maneng mabela pole bola tana wanuatta, atutui kesehatanta. ajakna mulupai jagai kehatanta, nasabak harta maloppo iyaro kesehatan.

Ingeranggi filosofinya tau matoatta, ko massompekki, ajak mulupai sipakalebbi, sipakatau, sipakainge'. Aja'na matanre ati, nasabak iyanaro sipak makonjak ladde'.

otre,....!

Maggelopak sipakna iyaro denre kasir'e ri ****mart.

Ceritana, lokkaka' denre koro, melokka melli minyak gosok sibawa uwae. Tapi de'na gekne doik utiwi eppa ratus rupiah. Makkedai kasirna, de'na magaga.

 tapi, biasamo ko nakembalikang i doikku, na de'gaga doik biccukna, de'na erekka kembaliannya

Mancaji Tau

Wettuta biccuk, wettuta' malolo, sekkangki merengkalinga tau matuatta makkeda 'Udoakangngi manjaci Tau nak'. Wettuku malolo mopi, de'pi upahang aga battuanna pessanna tau matua e. Mappikiriki waktukku malolo, na tau na, agatosi battuanna makkedai tau matuae 'Udoakangngi manjaci tau'.

Makkokkoe, mappikirikka, aga e battuanna pappesanna tau matuatta.

battuanna, manjaci tau berarti manjaciki tau seutuhnya. Sipak-sipakna maggelona tau engka ri laleng atitta. Alai sipak-sipak maggelona tau

De'na Magaga

Tudangka' ri kamarakku, mappikirrik-pikkirik. Maega melok ujama, na de'uisseng mesti upammulai pole kega. Inae kapang diaseng makuttu.

Makkokoe, wuleng ramadan. Wuleng kebaikan, jaji sitinajana diisi dengan gauk deceng. Massempajang berejamaah ri mesijie, massempajang tarawihki. Nasabak inayae wuleng e diliseri amalak maloppo.

Ko riolo, wettuna jamanna pangulutta sahabatna nabie, de'gaga wettu nasia-siakan ri wuleng ramalang. Matinulu maneng i ber.ibadah, nasabak naisseng i keutamaanna wuleng ramadang.

Iyek palek, insya Allah melok tokka kesik runtuk lailatul qadr. aamiin